நாள்: 14-04-2023
இயேசுவின் படையணி – ஜூபிலி ஆண்டு (1998-2023)
ஏப்ரல் 14, 2023
அன்பான இயேசுவின் படையணி வீரர்களே, 2023 ஆம் ஆண்டு இயேசுவின் படையணியின் வெள்ளி விழா ஆண்டு என்பதை நாம் அனைவரும் அறிவோம். இயேசுவின் படையணி 11.11.1998 அன்று நிறுவப்பட்டது. மற்றும் முதல் அணிசபைக் கூட்டம் 12.11.1998 அன்று தொடங்கப்பட்டது. இந்த ஆண்டு ஏப்ரல் மாதம் தொடங்கி, ஏழு மாதங்கள் ஆயத்தமாகி நவம்பர் 11,12 & 13 ஆகிய தேதிகளில் நாம் நமது வெள்ளி விழாவைக் கொண்டாடுகிறோம்.
ஏழு கருப்பொருள்கள் , 7 மாதங்களுக்கு எடுக்கப்பட்டிருக்கின்றன
ஏப்ரல் மாதம் சுத்திகரிப்பு மாதமாக கொடுக்கப்படுகிறது.
ஏப்ரல் 14, 2023
இன்று கர்த்தர், யோவான் 17 ம் அதிகாரத்தைக் கொடுத்தார் . இதிலுள்ள வசனங்கள், நாம் தொடர்புகொண்டுள்ள ஐக்கியத்தில் சுத்திகரித்தலுக்கான நமது பங்களிப்பை நேரடியாகச் சொல்லும் என்று ஒருபோதும் நான் நினைக்கவில்லை!
யோவான் 17 : 17
“உம்முடைய சத்தியத்தினால் அவர்களைப் பரிசுத்தமாக்கும் : உம்முடைய வசனமே சத்தியம்.
யோவான் 17:18 “நீர் என்னை உலகத்தில் அனுப்பினது போல, நானும் அவர்களை உலகத்தில் அனுப்புகிறேன்.”
யோவான் 17 : 19 “அவர்களும் சத்தியத்தினாலே பரிசுத்தமாக்கப்பட்டவர்களாகும்படி , அவர்களுக்காக நான் என்னைத் தானே பரிசுத்தமாக்குகிறேன். “
இது பிதாவாகிய தந்தையிடம் இயேசுவின் ஜெபம் என்றாலும், இந்த வசனங்கள் , இயேசு தமக்கு கொடுக்கப்பட்ட ஆத்துமாக்களுடன் கொண்டிருந்த பொறுப்புகள் மற்றும் அவர் கர்த்தருக்கும், அவருக்கு கொடுக்கப்பட்ட ஆத்துமாக்களுக்கும் எப்படி உண்மையாக இருந்தார் என்பதை அழகாக சுருக்கமாக பேசுகிறது. இந்த வசனங்கள் , என்னை அலசி ஆராயவும் , எனக்கு கொடுக்கப்பட்ட பொறுப்புகளில் எந்த இடங்களில்
நான் கர்த்தருக்கு உண்மையில்லாமல் இருந்தேனோ அந்த இடங்களில் என்னை சுத்திகரிப்புக்கு ஒப்புக் கொடுக்கவும் உதவி செய்தது.
பல சமயங்களில், நான் எனக்காகவும், என் ஆத்தும வளர்ச்சிக்காகவும்
சுயநலமாக நின்று, என்னிடம் ஒப்படைக்கப்பட்ட ஆத்துமாக்களின் தேவைகளைக் கவனிக்கத் தவறிவிட்டேன் என்பதை உணர்ந்தேன்.
கர்த்தரின் பெயரால் அவர்களைப் பத்திரமாகப் பாதுகாப்பது நமது பொறுப்பு என்பதையும் எந்த நிலையிலும், என்ன நேர்ந்தாலும் அவர்களைத் தொலைத்து விடக்கூடாது என்பதையும் உணர்ந்து கொண்டேன்.
நாம் நீதிக்காக நிற்க வேண்டும். மற்றும் அவர்களின் வீழ்ச்சியிலிருந்து அவர்களை வெளியே கொண்டு வர அவர்களுக்கு ஆதரவளிக்க வேண்டும். இதனால் அவர்கள் கிறிஸ்துவின் முழு மகிழ்ச்சியையும் அனுபவிக்க வேண்டும்.
எரேமியா 23:16 “உங்களுக்குத் தீர்க்கதரிசனம் சொல்லுகிற தீர்க்கதரிசிகளின் வார்த்தைகளைக் கேளாதிருங்கள் , அவர்கள் உங்களை வீண் பெருமை கொள்ளும்படிச் செய்கிறார்கள். கர்த்தருடைய வாக்கை அல்ல, தாங்கள் யூகித்த தரிசனத்தைச் சொல்லுகிறார்கள்” என்று சேனைகளின் கர்த்தர் சொல்லுகிறார்.
இயேசு தம்மைத்தாமே பரிசுத்தமாக்கினார். அதனால் அவருடைய சீஷர்களும் தம்மைப் பரிசுத்தப்படுத்தினர். பரிசுத்தம் என்பது சத்தியத்திற்கு முழுமையான கீழ்ப்படிதலின் அடையாளம். கீழ்ப்படிதலின் வழியாக நமக்குக் கொடுக்கப்பட்ட ஆத்துமாக்களுக்கு நாம் பரிசுத்தமாக்குவதற்கான ஒரு வழி வகையாக மாறுகிறோம்.
குறை கூறாமல் நமக்காகக் கொடுக்கப்பட்ட ஆத்துமாக்களுக்காக , கிறிஸ்துவின் பாடுகளை நாம் உள்வாங்கிக் கொள்ளும்போது, அவர்களும் நித்திய மகிமையில் நம்முடன் பங்குகொள்வார்கள் என்ற மகிமையை நம்மில் அடைகிறோம்.
அவர்களின் பலவீனம் மற்றும் அறியாமை (உடல், உணர்ச்சி, ஆவிக்குரியவை, கலாச்சாரம் , சமூகம் போன்றவை) எல்லாவற்றையும் தாங்கி, கனிவான அன்புடன் அவர்களை அணுகி, அவர்களை ஊக்குவித்து, அதிகாரம் அளிப்பது அனைத்தும் இதன் கீழ் வரும்.
இன்னும் நிறைய இதுபோல உண்டு.
நமக்கு விலகலுக்கான சொந்த காரணங்கள் உள்ளன …
ஒவ்வொரு நாளும் பரிசுத்த ஆவியானவர் நம்மை சுத்திகரிப்புக்கு வழிநடத்துவார்!
ஜெபம்.
கர்த்தாவே , எனக்கு வழங்கப்பட்ட ஆத்துமாக்களுக்கு நான் பொறுப்பற்றதாக இருந்த தருணங்களுக்காக என்னை மன்னியும். ஒவ்வொரு நாளும் என்னைப் பரிசுத்தப்படுத்துவதன் மூலம் அவர்களைப் பரிசுத்தப்படுத்துவதற்கான எனது முயற்சிகளில் எனக்கு உதவும் . ஆமென்.
Sol. சகோ. ஆஞ்சலிக்கா