நாள்: 05-09-2023
பெருமையும் பணிவும்
1பேதுரு 5 : 5 “பெருமையுள்ளவர்களுக்கு தேவன் எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறார்”
ஏசாயா 14 : 12 – 15
” அதிகாலையின் மகனாகிய விடிவெள்ளி யே, நீ வானத்திலிருந்து விழுந்தாயே!ஜாதிகளை ஈனப்படுத்தினவனே, நீ தரையிலே விழ வெட்டப்பட்டாயே! நான் வானத்துக்கு ஏறுவேன் , தேவனுடைய நட்சத்திரங்களுக்கு மேலாக என் சிங்காசனத்தை உயர்த்துவேன் , வட புறங்களிலுள்ள ஆராதனைக் கூட்டத்தின் பர்வதத்திலே வீற்றிருப்பேன் என்றும், நான் மேகங்களுக்கு மேலாக உன்னதங்களில் ஏறுவேன் , உன்னதமானவருக்கு ஒப்பாவேன் என்றும் நீ உன் இருதயத்தில் சொன்னாயே, ஆனாலும் நீ அகாதமான பாதாளத்திலே தள்ளுண்டு போனாய் “
மேற்கூறிய வசனங்களில் விழுந்து போன தூதர் லூசிபர் பற்றி பேசுகிறார்.
நீதிமொழிகள் 16 : 8
” அழிவுக்கு முன்னானது அகந்தை : விழுதலுக்கு முன்னானது மன மேட்டிமை. “
உங்கள் எண்ணங்களைக் குறித்து எச்சரிக்கையாக இருங்கள்
I சாமுவேல் அத்தியாயத்தில் , தாவீது சவுலிடமிருந்து தப்பியோடுவதைப் பற்றிய தொடர் கதைகளையும், தாவீதைக் கொல்ல சவுல் மேற்கொண்ட ஒவ்வொரு முயற்சிகளையும் காண்கிறோம். சவுல் தன்னைக் கொல்ல வேட்டையாடுகிறான் என்பதை தாவீது அறிந்திருந்தும்.
தாவீது சவுலிடம் கருணை காட்டுகிறார். 1 சாமுவேல் 24 ம் அதிகாரத்தில் சவுலுக்கு முன்பாக தாவீதின் பணிவைக் காண்கிறோம்.தாவீது சவுலின் உயிரைக் காப்பாற்றுகிறார், பின்வரும் வசனங்களில் தாவீதின் மனத்தாழ்மையைக் காண்கிறோம்.
1 சாமுவேல் 24 : 8 ல் தாவீது சவுலை அழைத்தார், “என் ஆண்டவரே ராஜா என்று தரையில் முகம் குனிந்து கீழ்ப்படிந்தார்.
வசனம் 10 ல் தாவீது சவுலின் உயிரைக் காப்பாற்றுவதைக் காண்கிறோம், “என் கர்த்தருக்கு எதிராக நான் கையை உயர்த்தமாட்டேன், ஏனென்றால் அவர் கர்த்தரால் அபிஷேகம் செய்யப்பட்டவர்” என்கிறார்.
வசனம் 11 ல் தாவீது மீண்டும் அவரை “என் தந்தையே ” என்று அழைக்கிறார், மேலே உள்ள அனைத்து வசனங்களிலும் சவுல் தாவீது ராஜாவுக்கு நல்லவராக இல்லாத போதும் தாவீது ராஜா சவுலை உயர்த்துவதை நாம் காண்கிறோம். ஆனால் வசனம் 14 இல் தாவீது தன்னை ஒரு இறந்த நாய் என்று அழைக்கிறார்? அவர் ஒரு சிங்கமல்லவோ? தாவீது சவுலுக்கு முன்பாக தன்னைத் தாழ்த்திக் கொள்கிறார்.
“அடக்கம் என்பது ஒரு தேர்வு; அது ஒரு வாய்ப்பு அல்ல”
யாக்கோபு 4 :10 கூறுகிறது
” கர்த்தருக்கு முன்பாக தாழ்மைப் படுங்கள், அப்பொழுது அவர் உங்களை உயர்த்துவார்.”
2 நாளாகமம் 7 : 14 கூறுகிறது
” என் நாமம் தரிக்கப்பட்ட என் ஜனங்கள் ,
தங்களைத் தாழ்த்தி
ஜெபம் செய்து, என் முகத்தைத் தேடி , தங்கள்
பொல்லாத வழிகளை விட்டுத் திரும்பினால்
அப்பொழுது பரலோகத்திலிருக்கிற நான் கேட்டு அவர்கள் பாவத்தை மன்னித்து அவர்கள் தேசத்துக்கு ஷேமத்தைக் கொடுப்பேன்.”
லூக்கா 18 : 9 -14 வரையுள்ள வசனங்கள் பரிசேயர் மற்றும் வரி வசூலிப்பவர் பற்றிய உவமையைப் பற்றி பேசுகிறது. இது பரிசேயரின் பெருமை மற்றும் வரி வசூலிப்பவரின் பணிவு பற்றி பேசுகிறது.
கதை:
“குளோரோ பார்ம்” என்ற வேதிப் பொருளை கண்டுபிடித்த ஒரு விஞ்ஞானியின் பெயர் ஜேம்ஸ் சிம்போன். அவர் இறப்பதற்கு முன் அவரது கடைசி உரையில் அவரது மாணவர்கள் அவரிடம் ஒரு கேள்வி கேட்டார்கள். அதாவது உங்கள் வாழ்க்கையில் உங்கள் மிகப்பெரிய கண்டுபிடிப்பு என்ன? என்று. அதற்கு அவர் என் வாழ்க்கையில் என்னுடைய மிகப்பெரிய கண்டுபிடிப்பு என்னவென்றால், “நான் ஒரு பாவி , இந்த பாவிக்காக கிறிஸ்து இறந்தார் என்பதாகும் என்று பதிலளித்தார்.
நீங்கள் பரலோகத்தில் பெரியவராக இருக்க விரும்புகிறீர்களா?
“தன்னைத் தாழ்த்துபவர்கள் பரலோகத்தில் பெரியவர்கள் என்று அழைக்கப்படுகிறார்கள்”
என்று யோவான் ஸ்நானகன் கூறினார்
“அவர் (இயேசு) பெருக வேண்டும்
நான் சிறுக வேண்டும்
என்றும் கூறுகிறார்.
அவருடைய செருப்பை அவிழ்க்க நான் தகுதியற்றவன் என்றும் கூறுகிறார். நாமும் அவரைப் போல் இருக்கிறோமா? வாழ்க்கையில் பல சமயங்களில் நாம் கர்த்தரின் மகிமையைத் திருடி அதை நம் பெருமை என்று கூறுகிறோம். வேண்டுமென்றே நம் பெருமையை வார்த்தைகளிலும், செயல்களிலும், உடல் மொழியிலும் வெளிப்படுத்துகிறோம். நமது பெருமைக்குரிய செயல்கள் அனைத்தும் நம்மால் அங்கீகரிக்கப்படாமல் போய்விடுகிறது. நமது நடத்தையில் நமது பெருமையை உணரத் தவறுகிறோம். நமது நடத்தை குறித்து நமக்கு உணர்வு இல்லை. நமது அன்றாட வாழ்க்கைச் சூழ்நிலையில் நமது பெருமையை நாம் அறியாமலோ, அல்லது உணராமலோ இருக்கும்போது, அவர்களுக்காக நாம் எப்படி மனம் வருந்த முடியும்? அதற்காக மனத்தாழ்மைக்கு மாறும்படி , பரிசுத்த ஆவியின் உதவியைக் கேட்க வேண்டும்.
ஜெபம்
பரிசுத்த ஆவியானவரே என்னை நிரப்பி என்னை வழிநடத்தும். தாழ்மையுடன் இருப்பதைத் தேர்வுசெய்ய எனக்கு உதவும். ஏனென்றால் நீங்கள் தாழ்மையானவர்களை சரியானதில் வழிநடத்துகிறீர்கள், அவர்களுக்கு உங்கள் வழியைக் கற்பிப்பீர்கள் என்பதை நான் அறிவேன், ஆமென்.
Sol.அன்னபுரெட்டி பாலரெட்டி